തുലാമാസത്തിലെ ചതയം നക്ഷത്രം…. അങ്ങനെ ആര്ക്കും അറിയില്ല .. ഇന്നു എന്റെ പിറന്നാള് …..
കഴിഞ്ഞ വര്ഷം ഞാന് പിറന്നാള് ആഘോഷിച്ചത് അമ്മയുടെയും അനിയന്റെയും കൂടെ ആയിരുന്നു .. ഈ വര്ഷം അച്ഛന്റെ കൂടെ പേര്ഷ്യയില് ….
എല്ലാവര്ക്കും ഉണ്ടാകും കുറെ പിറന്നാള്സ്മരണകള് ….
തലേദിവസം മിട്ടായി കൊണ്ട് വരുന്നതും കത്ത് ഇരുന്നത്, മിട്ടായി എണ്ണി സ്കൂളിലേക്ക് കൊണ്ടുപോകാന് ഉള്ളത് മാറ്റി വയ്ക്കുന്നത് … കുറച്ചു ആരും കാണാതെ പ്രിയപ്പെട്ട കൂട്ടുകാര്ക്കു മാത്രം കൊടുക്കാന്, കുറച്ചു പ്രിയപ്പെട്ട ടീച്ചര്ക്ക് കൊടുക്കാന് ….കാലത്ത് അമ്മയുടെ കൈയില് നിന്നും കിട്ടുന്ന ഉമ്മ.. കാലത്ത് കുളിച്ചു അമ്പലത്തില് പോകാന് തിടുക്കം കാണിക്കുന്നത് .. പുതിയ കളര് ഡ്രസ്സ് ഇട്ടു സ്കൂളില് പോകുന്നത്…. ടീച്ചര് ഹാജര് വിളിച്ചു കഴിയാന് കാത്തിരിക്കുന്നത്…. മിട്ടായി കൊടുക്കുമ്പോള് എല്ലാവരും happy birthday പറഞ്ഞു കൈഅടിക്കുന്നത് … ഒരു മിട്ടായി കൂടെ ചോദിച്ചു പിന്നാലെ വരുന്ന കൂട്ടുകാര് … പിറന്നാള് ദിവസം എന്ത് തെറ്റുചെയ്താലും ടീച്ചര് തല്ലില്ല ..….വൈകുന്നേരം വീട്ടില് വരുമ്പോള് അടുപ്പത്തു തിളച്ചുകൊണ്ടിരിക്കുന്ന ശര്ക്കര പായസം …. അങ്ങനെ ഒരുപാടു ഓര്മ്മകള് മനസില് ഇങ്ങനെ തളം കെട്ടികിടക്കുന്നു …. അന്നൊക്കെ തോന്നിയിരുന്നു എത്രയും പെട്ടന്നു വലുതായാല്മതി … പക്ഷെ എപ്പോള് തോന്നുന്നു വലുതാകണ്ടായിരുന്നു …. എന്നും കുട്ടിയായി ഇരുന്നാല് മതി ആയിരുന്നു ...
8.Nov നു date of birth ആഘോഷിച്ചിരുന്നു ….
ഇനിയും ഒരുപാടു ചന്ദ്രോത്സവങ്ങള് ഉണ്ടാകാന് പ്രാര്ത്ഥിക്കുന്നു ....
No comments:
Post a Comment