ജീവിതം

ഓട്ടുരുളിയിലെ അരിമണികള്‍ കൊണ്ട് ഹരിശ്രീ കുറിച്ച ബാല്യകാലം ഓര്‍ത്തു പോയി… ആ അക്ഷരങ്ങളായിരുന്നു പിന്നെ ജീവിതവും ലോകവും എല്ലാം… കാലചക്രം തിരിഞ്ഞപ്പോള്‍ അവ നഷ്ടപ്പെട്ടു പോയതറിഞ്ഞില്ല.. ഒന്നും അറിഞ്ഞില്ല… ജീവിക്കുകയായിരുന്നു… എന്തൊക്കെയോ ലക്ഷ്യങ്ങള്‍ക്കുവേണ്ടി…. എല്ലാം നേടിയെടുക്കാനായുള്ള ഓട്ടത്തില്‍ ഏറ്റവും പ്രിയപ്പെട്ട ചിലത് നഷ്ടപ്പെടുന്നതറിഞ്ഞില്ല….

മയില്‍പ്പീലി

ആലിലയില്‍ പൊതിഞ്ഞെടുത്ത മയില്‍പ്പീലി സുര്യനില്‍ നിന്നും ഒളിച്ചു വച്ചാല്‍ ആഗ്രഹിക്കുന്നതൊക്കെ നടക്കുമെന്ന് ആരോ പറഞ്ഞപ്പോള്‍ ഒരു കൌതുകമെന്നപോലെയാണ് ഞാന്‍ അത് കേട്ട് നിന്നത്. ഇന്നു എന്‍റെ ഓര്‍മയുടെ താളുകള്‍ മറിച്ചു നോക്കിയപ്പോഴാണ് വാടാതിരിക്കുന്ന ഒരു മയില്‍പ്പീലി കണ്ടത്. ഞാന്‍ ആഗ്രഹിച്ചത് ലഭിക്കാത്തതിനെക്കുറിച്ചുമോര്‍ത്ത് ദു:ഖിച്ചിരുന്ന ഞാന്‍ മയില്‍പ്പീലി കണ്ടപ്പോഴാണ് ഞാന്‍ നേടിയതെല്ലാം ഓര്‍മ്മ വന്നത്. . മനസ്സിലെ മായാത്ത മോഹങ്ങളൊക്കെയും എന്നെങ്കിലുമൊരിക്കല്‍ പുഷ്പിച്ചുകൊണ്ട് വാടാത്ത മയില്‍പ്പീലിയായ് മാറട്ടെ.